Ўқишни кўчириш бўйича ўтиш баллари эълон қилинди

Жамият

−

16 Июль visibility9870 timer1 дақиқа

Олий таълим, фан ва инновациялар вазирининг тегишли буйруғи билан 2025-2026-ўқув йили учун хорижий ва нодавлат олий таълим муассасаларидан талабалар ўқишини республика давлат олий таълим муассасаларига кўчириш бўйича ўтказиладиган махсус синовлар бўйича ўтиш баллари тасдиқланди. Бу ҳақда Олий таълим, фан ва инновациялар вазирлиги хабар берди.

Маълум қилинишича, ушбу ўтиш баллари жорий йилда ҳам тизимида олий таълим муассасалари бўлган вазирлик ва идораларнинг таклифлари асосида шакллантирилган.

Унга кўра, энг юқори ўтиш балл ҳуқуқ соҳаси учун белгиланган бўлиб, у 165 баллни ташкил этади. Энг паст балл эса ветеринария соҳасида – 60 балл.

Эслатиб ўтамиз, ўқишни кўчириш бўйича аризаларни қабул қилиш жорий йилнинг 15 июлдан 5 августга қадар my.uzbmb.uz сайтининг “Ўқишни кўчириш (хорижий ва нодавлат)” бўлими орқали амалга оширилиши ҳақида хабар берилганди.

Мақола муаллифи