Туркияда оғир ҳасталикка чалинган қизалоқ Ўзбекистонга қайтарилди

Туркиядаги шифохонада оғир ҳасталик билан даволаниб келаётган 5 ёшли қизалоқ яқинлари ҳамда шифокорлар ҳамроҳлигида Ўзбекистонга қайтарилди. Бу ҳақда Ўзбекистоннинг Истанбулдаги элчихонаси хабар берди.

Қайд этилишича, 2025 йилнинг декабрь ойидан буён Туркиядаги шифохоналарнинг бирида оғир хасталик билан даволаниб келаётган 5 ёшли Z.С. Бош консулхона ҳамда Миграция агентлигининг Туркиядаги вакиллиги томонидан Ўзбекистонга қайтишида кўмаклашилган.

Шунингдек, беморнинг ортга қайтишида “Uzbekistan Airways” авиакомпаниясининг Туркиядаги ваколатхонаси, Туркия ва Ўзбекистон соғлиқни сақлаш вазирликлари мутасаддилари ҳамда даволаниб келган шифохона мутахассисларига кўрсатилган ёрдам ва ҳамкорлик учун чуқур миннатдорлик билдирилган.

Элчихона бемор ва унинг яқинларига соғлик-саломатлик тилаган ва фуқароларни тиббий хизмат кўрсатиш ниқоби остида Туркияда учраётган фирибгарлик ҳолатларидан огоҳликка чақирган.

Эслатиб ўтамиз, аввалроқ Туркиядаги болалар уйига жойлаштирилган 5 ёшли Ўзбекистон фуқароси мамлакатга қайтарилганди.