Туркия хорижликларга яшаш учун рухсатнома беришни тақиқладими?

Бир қанча оммавий ахборот воситаларида Туркия ҳукумати Истанбулдаги хорижликларга яшаш учун рухсатнома бериш тақиқлагани ҳақида хабарлар тарқалди. Мамлакат Ташқи ишлар вазирлиги эса ушбу хабарларни рад этди. Бу ҳақда вазирликнинг сайтида келтирилган.

Эълон қилинган вазирлик баёнотида қайд этилишича, Истанбулдаги ёпиқ деб аталадиган ҳудудлар рўйхати ўтган йилнинг октябрь ойидан бери ўзгармаган ва 10 та муниципалитетни ўз ичига олади.

"Истанбулнинг 39 тумани хорижликларга яшаш учун рухсатнома бериш учун ёпилгани ҳақидаги хабарлар ҳақиқатга тўғри келмайди. Айланма учун ёпилган 10 та туман бор", дейилади хабарда.

Келтирилишича, 2022 йилда Туркияда 5,4 миллион чет эл фуқароси бўлган. Уларнинг 1,2 миллиондан ортиғи Истанбулда истиқомат қилади. 

Маълумот учун, Ўзбекистонда 300 мингдан ортиқ ўзбекистонлик Туркияда истиқомат қилади.

Шунингдек, 2022 йилда 60 мингга яқин ўзбекистонлик бошқа давлатларга қонуний ишлаш учун кетгани ҳақида хабар бергандик.