Трамп UFC жангчилари билан учрашди

Яқинлашиб келаётган UFC Оқ уй турнири иштирокчилари – Алекс Перейра, Илия Топурия, Жастин Гетжи ва Сирил Ган АҚШ Президенти Дональд Трамп билан Овал кабинетда учрашди. Бу ҳақда USA Today хабар берди.

“Паркнинг нариги томонидаги ҳудудга тахминан 75 мингдан 100 минггача томошабин сиғади. Чипталар бепул бўлади. Ташкилотчилар саккизта улкан экран ўрнатиб, жангларни жонли намойиш қилади. Шунингдек, Оқ уй олдидаги майсазорда томошабинлар учун 4 мингта ўриндиқ тайёрланади”, дейди Трамп матбуот анжуманида.

Аввалроқ, Дональд Трамп АҚШнинг 250 йиллиги муносабати билан Оқ уй ҳудудида UFC турнири ўтказилишини эълон қилган эди. Ушбу тадбир АҚШ Мустақиллик декларацияси имзоланишининг 250 йил бағишланади. Турнир жорий йилнинг 14 июнь куни ўтказилиши режалаштирилган бўлиб, айнан шу куни Трамп 80 ёшни қарши олади. 

Турнирнинг асосий жангида UFC енгил вазн тоифаси чемпиони, испаниялик Илия Топурия ўз камарини америкалик Жастин Гетжига қарши ҳимоя қилади.