Трамп Путинга сим қоқди

Бугун, 29 декабрь куни АҚШ Президенти Дональд Трамп ва Россия Президенти Владимир Путин ўртасида навбатдаги телефон суҳбати бўлиб ўтди. Бу ҳақда Оқ уй матбуот котиби Каролин Левитт ўзининг Х ижтимоий тармоғидаги саҳифасида маълум қилди.

“Президент Трамп Украина масаласи бўйича Президент Путин билан ижобий суҳбатни якунлади”, деб ёзди Левитт.

Қайд этиш жоиз, Путин ва Трамп ўртасидаги ушбу телефон суҳбати 2025 йил бошидан буён ўнинчиси бўлди. Охирги марта етакчилар бир кун аввал мулоқот қилган. Ўшанда улар Трампнинг Мар-а-Лагода Владимир Зеленский билан бўлиб ўтадиган учрашуви якунларидан сўнг яна қўнғироқ қилишга келишиб олган. Бунгача эса раҳбарлар 12 февраль, 18 март, 19 май, 4 июнь, 14 июнь, 3 июль, 19 август ва 16 октябрь кунлари телефон орқали мулоқот қилган.

Эслатиб ўтамиз, аввалроқ Украина Президенти Владимир Зеленский Киев ва Вашингтон ўртасида Флоридада бўлиб ўтган музокараларда у таклиф қилган 20 банддан иборат тинчлик режасининг 90 фоизи келишиб олинганини айтганди.