Трамп Ле Пенга чиқарилган суд ҳукмини “жодугар ови” деб атади 

АҚШ Президенти Дональд Трамп Франциянинг “Миллий бирлик” партияси парламентдаги фракцияси етакчиси Марин Ле Пенга чиқарилган суд ҳукмини жодугар овига мисол деб атади ва уни озод қилишга чақирди. Бу ҳақда у Truth Social ижтимоий тармоғида ёзган.

“Марин Ле Пенга қарши жодугар ови Европа чапи қонундан сўз эркинлигини ўчириш ва сиёсий рақибини цензура қилиш учун қурол сифатида ишлатаётганининг яна бир мисолидир, бу сафар рақибни қамоққа олишгача боради”, деди у.

Оқ уй раҳбари ўтмишда унинг ўзи ҳам шундай сиёсий таъқибларга учраганини таъкидлади.

“Мен Марин Ле Пенни билмайман, лекин унинг шунча йиллар давомида қанчалар меҳнат қилганини қадрлайман. У йўқотишларга учради, лекин давом этди ва ҳозир, катта ютуқ бўлишидан олдин, улар уни эҳтимол ўзи ҳам билмаган кичик айблов – “бухгалтерия” хатоси учун ушлашмоқда, деб ўйлайман. Буларнинг барчаси Франция ва буюк француз халқи учун, улар қайси томонда бўлишидан қатъи назар, жуда ёмон. Марин Ле Пенни озод қилинг”, деб ёзди Трамп.

Марин Ле Пенга чиқарилган ҳукм

“Миллий бирлик” партияси парламент гуруҳи раҳбари Марин Ле Пен, партиядан 8 депутат ва 12 депутат ёрдамчиси қонун чиқарувчи орган маблағларини ўзлаштирганликда айбдор деб топилди. Бу қарор Парижнинг ахлоқ тузатиш маҳкамаси томонидан 31 март куни қабул қилинган. Ле Пен тўрт йиллик қамоқ жазосига ҳукм қилинган, шулардан икки йили шартли равишда муддатидан илгари бекор қилинган ва у яна икки йил давомида электрон билагузук тақишга мажбур бўлади.

Бундан ташқари, унга беш йилга давлат лавозимларида ишлаш тақиқланган. Бироқ судьялар ҳайъати сиёсатчининг апелляция шикояти бўлишидан қатъи назар, тақиқ дарҳол кучга кириши ҳақида қарор чиқарди, бу Франциядаги стандарт суд амалиётига тўғри келмайди.

Ишда жами 27 киши, жумладан, Миллий иттифоқ раҳбарияти ҳам иштирок этган. Сиёсатчилар Европа Иттифоқи маблағларини суиистеъмол қилганликда ва Европарламент депутатлари ёрдамчиларини сохта ёллаш орқали партияни яширинча молиялаштирганликда айбланган.

Ҳукмдан кейин Италия Бош вазири ўринбосари Маттео Сальвини, Венгрия Бош вазири Виктор Орбан ва Нидерландиядаги ҳукмрон коалиция таркибига кирувчи ўнг қанот “Озодлик” партияси раҳбари Герт Вилдерс Марин Ле Пенни қўллаб-қувватлашини билдирган.