Трамп Ким Чен Ин билан келиша олмади

АҚШ Президенти Дональд Трамп Шимолий Корея етакчиси Ким Чен Ин билан Осиёга уюштираётган ташрифи чоғида учрашув ташкил эта олмаганини айтди. Бу ҳақда BBC хабар берди.

“Мен Ким Чен Инни жуда яхши биламан. Биз ҳақиқатан ҳам вақт бўйича келиша олмадик”, деб айтган Трамп.

У, шунингдек, Шимолий ва Жанубий Корея ўртасидаги муносабатлардаги “тангликни юмшатиш” ниятида эканини қўшимча қилди.

Трамп олдинроқ Шимолий Корея етакчиси билан Осиё сафари чоғида, жумладан, Жанубий Кореяга ташрифи олдидан яна учрашишга тайёрлигини билдирган эди.

Трамп эртага, 30 октябрь куни Жанубий Кореяда Хитой раҳбари Си Цзиньпин билан ҳам учрашиши режалаштирилган.

2018 йилнинг 12 июнь куни Цингапурда бўлиб ўтган биринчи учрашувида АҚШ ва Шимолий Корея етакчилари қўшма ҳужжат имзолаган эди. Шундан сўнг Пхеньян Вашингтондан хавфсизлик кафолатлари эвазига Корея яриморолини ядросизлантиришга рози бўлди. Трамп ва Ким Чен Иннинг иккинчи саммити 2019 йил 27 февраль куни Ханойда бўлиб ўтди.

Эслатиб ўтамиз, аввалроқ Президент Дональд Трамп Жанубий Корея етакчиси Ли Чжэ Мёндан энг олий мукофот – “Мугунхва” ордени ҳамда қадимги Силла тожининг олтин нусхасини олганди. Мукофот фақат мамлакатнинг энг нуфузли меҳмонларига берилади. Президентнинг сўзларига кўра, Трамп уни Корея яриморолида тинчлик ўрнатишга қўшган ҳиссаси учун олган. Бундан ташқари, тож АҚШ ва Жанубий Корея ўртасидаги тинчлик ва дўстликни англатади.