Трамп Балогунни ўйинга қайтаришни сўраб Инфантинога қўнғироқ қилди

АҚШ Президенти Дональд Трамп шахсан FIFA президенти Жанни Инфантинодан АҚШ миллий терма жамоаси ҳужумчиси Фоларин Балогуннинг Жаҳон чемпионатининг 1/8 финал учрашуви учун белгиланган дисквалификациясини бекор қилишни сўраган. Бу ҳақда “Reuters” хабар берди.

Манбага кўра, Трамп ўтган ҳафта Инфантинога қўнғироқ қилиб, мазкур масала юзасидан шахсан мурожаат қилган.

Аввалроқ, FIFA интизом қўмитаси Балогуннинг дисквалификациясини тўхтатиб тургани ва унга Бельгияга қарши бўлажак учрашувда майдонга тушишга рухсат берганини хабар қилган эди. Кейинчалик Трамп бу қарор учун FIFAга миннатдорчилик билдирди. У ўзининг “Truth Social” саҳифасида федерация “тўғри қарор қабул қилди ва катта хатони тузатди”, деб ёзди.

Балогун 1/16 финалда Босния ва Герцеговинага қарши баҳсда (2:0) ҳимоячи Тарик Муҳаремовичга нисбатан қўпол ҳаракат қилгани учун қизил карточка олган эди.

Америкалик ҳужумчи рақибининг оёғининг орқа қисмига бутсасининг тишлари билан зарба берган. Амалдаги қоидаларга кўра, у кейинги учрашувни ўтказиб юбориши керак эди.

Маълумот учун, АҚШ ва Бельгия ўртасидаги 1/8 финал учрашуви эртага, 7 июль куни бўлиб ўтади.