Тошкентдан Истанбулга 1 кг дан ортиқ заргарлик буюмларини олиб чиқмоқчи бўлган шахс ушланди
3-саҳифа
−
17 Апрель 3449 1 дақиқа
Кеча, 16 апрель куни Тошкент халқаро аэропортидан 1 килограммдан ортиқ заргарлик буюмларини Туркиянинг Истанбул шаҳрига олиб чиқиб кетмоқчи бўлган шахс ушланди. Бу ҳақда “Тошкент-Аэро” ихтисослашган божхона комплекси хабар берди.
Қайд этилишича, махсус ходимлар томонидан ҳамкорликда аниқланган мазкур заргарлик буюмларининг тахминий қиймати 819 миллион сўмдан ошган.
Билдирилишича, ҳолат юзасидан суриштирув ҳаракатлари бошлаб юборилган.
Эслатиб ўтамиз, жорий йилнинг март ойида Бухоро аэропортида қимматбаҳо металлардан ясалган заргарлик буюмлари ҳамда маданий бойликларни ноқонуний равишда хорижга олиб чиқмоқчи бўлган шахс ушланганди. У мамлакат ҳудудидан 37 дона оғирлиги 226,04 грамм бўлган заргарлик буюмлари ҳамда тарихий аҳамиятга эга 16 дона кўкрак нишонлари ва тангаларни олиб чиқмоқчи бўлганди.
Live
Барчаси
