Тошкентдаги мактабда ёнғин чиқди

3-саҳифа

−

02 Август 2023 visibility8548 timer1 дақиқа

Тошкент шаҳар Мирзо Улуғбек туманида жойлашган мактабларнинг бирида ёнғин содир бўлди. Бу ҳақда Фавқулодда вазиятлар вазирлиги Ахборот хизмати хабар берди.

Келтирилишича, ҳодиса бугун, 2 август куни Тошкент шаҳар Мирзо Улуғбек тумани Истиқлол кўчасида жойлашган 50-сонли мактабнинг 2-қаватида юз берган. Соат 11:43 да ёнғин содир бўлаётгани тўғрисида Фавқулодда вазиятлар бошқармасига хабар келиб тушган.

Чақирувга кўра, 2 та ёнғин-қутқарув экипажи соат 11:49 да воқеа жойига етиб бориб, ёнғин соат 11:52 да ўраб олинган ва соат 12:00 да ўчирилган.

Ёнғин оқибатида 2-қаватнинг тахминан 10 квадрат метр майдонидаги ички жиҳозларга зарар етган.

Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.

Мақола муаллифи