Тошкентдаги “дом”да ёнғин юз берди
3-саҳифа
−
12 Май 2023 8394 1 дақиқа
Кеча, 11 май куни Тошкент шаҳар Юнусобод туманида жойлашган кўп қаватли уйда ёнғин содир бўлди. Бу ҳақда Фавқулодда вазиятлар вазирлиги хабар берди.
Унга кўра, 11 май куни соат 15:24 да Юнусобод тумани 14-даҳа “Севинч” МФЙда жойлашган кўп қаватли уй хонадонларининг бирида ёнғин содир бўлаётганлиги тўғрисидаги хабар шаҳар ФВБга келиб тушган. Қутқарувчилар соат 15:32 да воқеа жойига етиб борган ва орадан 22 дақиқа ўтиб ёнғин ўчирилган.
Ёнғин оқибатида хонадоннинг 40 кв м майдонда уй жиҳозлари ёниб зарарланган. Ҳодиса оқибатида тан жароҳати олган ва ҳалок бўлганлар йўқ. Ёнғин сабаби ва моддий зарар миқдори аниқланмоқда.
Нурмуҳаммад Файзуллаев
