Тошкентда ўтган “Катта дубулға” турнирида ўзбекистонлик дзюдочилар 12 та медални қўлга киритди

Тошкентда дзюдо бўйича “Катта дубулға” таснифига кирувчи турнир бўлиб ўтди ва унда Ўзбекистон терма жамоаси 1 та олтин, 3 та кумуш ва 8 та бронза медални қўлга киритди.

Жорий йилнинг 28 февралидан 2 мартига қадар Тошкент дзюдо бўйича “Катта дубулға” таснифига кирувчи турнирга мезбонлик қилди. Ушбу мусобақада Ўзбекистон терма жамоаси 1 та олтин, 3 та кумуш ва 8 та бронза медалига эга чиқди. Жами 12 та медални қўлга киритган Ўзбекистон терма жамоаси умумжамоа ҳисобида 3-ўринни эгаллади.

Ғолиб ва совриндорлар:

Олтин медаль:

-90 кг: Шаҳзодхўжа Шарипов

Кумуш медаль:

-66 кг: Замахшари Бекмуродов;
-70 кг: Хуршида Раззоқбердиева;
-81 кг: Арслонбек Тожиев.

Бронза медаль:

-60 кг: Камолиддин Бахтиёров;
-60 кг: Анвар Иброҳимов; 
-66 кг: Муҳриддин Тиловов;
-66 кг: Артём Штурбабин;
-73 кг: Шаҳрам Аҳадов;
-90 кг: Нурбек Муртазоев; 
-100 кг: Эрназар Сарсенбаев; 
+100 кг: Алишер Юсупов.