Тошкентда подстанциядаги трансформатор ёниб кетди
3-саҳифа
−
17 Июль 4543 1 дақиқа
Тошкент шаҳрининг Мирзо Улуғбек туманидаги подстанцияда ёнғин содир бўлди. Бу ҳақда пойтахт Фавқулодда вазиятлар бошқармаси хабар берди.
Маълум қилинишича, бугун, 17 июль куни соат 01:31 да туманнинг Авайхон кўчасида жойлашган подстанция ичида трансформатор ёнаётгани тўғрисида бошқармага хабар келиб тушган.
Шунга кўра, ёнғин-қутқарув техникалари айтилган манзилга соат 01:37 да етиб бориб, ёнғин соат 02:06 да ўчирилган.
Билдирилишича, ёнғин оқибатида жабрланганлар йўқ. Ҳозирда ёнғин сабаби аниқланмоқда.
Эслатиб ўтамиз, аввалроқ Тошкент шаҳри Яшнобод туманидаги подстанцияда ёнғин содир бўлганди. Манзилда подстанция ҳудудидаги трансформатор кабеллари ёниб зарарлангани аниқланган.
Live
Барчаси
