Тошкентда Lacetti ва скутер тўқнашди
3-саҳифа
−
26 Ноябрь 2048
Тошкент шаҳрида Lacetti ва 20 ёшли курьер бошқарувидаги скутер тўқнашди, оқибатда скутер ҳайдовчиси жароҳатланди. Бу ҳақда Тошкент шаҳар ИИББ Йўл ҳаракати хавфсизлиги бошқармаси хабар берди.
Қайд этилишича, жорий йилнинг 24 ноябрь куни соат 01:10 ларда Чилонзор тумани КҲАЙ-Қатортол кўчалари кесишмасида ҳайдовчи 1971 йилда туғилган Д.Ж. бошқарувидаги Lacetti русумли транспорт воситаси ва 2004 йилда туғилган Д.А. бошқарувидаги скутер транспорт воситалари тўқнашиши оқибатида йўл-транспорт ҳодисаси содир бўлган.
ЙТҲ оқибатида скутер транспорт воситасининг ҳайдовчисига биринчи тиббий ёрдам кўрсатиш мақсадида шифохонага олиб кетилган.
Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
Эслатиб ўтамиз, аввалроқ Тошкент шаҳрининг Чилонзор туманида учта автомобиль ва скутер иштирокида йўл-транспорт ҳодисаси содир бўлганди. ЙТҲ оқибатида ҳеч ким тан жароҳати олмаган.
