Toshkentda Lacetti va skuter to‘qnashdi

Toshkent shahrida Lacetti va 20 yoshli kurer boshqaruvidagi skuter to‘qnashdi, oqibatda skuter haydovchisi jarohatlandi. Bu haqda Toshkent shahar IIBB Yo‘l harakati xavfsizligi boshqarmasi xabar berdi.

Qayd etilishicha, joriy yilning 24 noyabr kuni soat 01:10 larda Chilonzor tumani KHAY-Qatortol ko‘chalari kesishmasida haydovchi 1971 yilda tug‘ilgan D.J. boshqaruvidagi Lacetti rusumli transport vositasi va 2004 yilda tug‘ilgan D.A. boshqaruvidagi skuter  transport vositalari to‘qnashishi oqibatida yo‘l-transport hodisasi sodir bo‘lgan.

YTH oqibatida skuter transport vositasining haydovchisiga birinchi tibbiy yordam ko‘rsatish maqsadida shifoxonaga olib ketilgan.

Mazkur holat yuzasidan Toshkent shahar IIBB YHXB mas’ul xodimlari tomonidan surishtiruv ishlari olib borilmoqda.

Eslatib o‘tamiz, avvalroq Toshkent shahrining Chilonzor tumanida uchta avtomobil va skuter ishtirokida yo‘l-transport  hodisasi sodir bo‘lgandi. YTH oqibatida hech kim tan jarohati olmagan.