Тошкентда 10-синф ўқувчиси пиёдани уриб юборди (видео)
3-саҳифа
−
07 Июль 9757
Тошкент шаҳрининг Учтепа туманида Маlibu-2 ҳайдовчиси пиёдани уриб юбориб, йўл-транспорт ҳодисаси содир этди. Бу ҳақда Тошкент шаҳар Йўл ҳаракати хавфсизлиги бошқармаси хабар берди.
Маълум қилинишича, ЙТҲ жорий йилнинг 27 июнь куни соат 20:10 атрофида туманнинг Кўркам обод маҳалласида – Миллий гвардия биноси қаршисида содир бўлган. 16 ёшли А.Х. Маlibu-2 автомашинасини бошқариб кетаётиб, йўлнинг белгиланмаган қисмидан кесиб ўтаётган 1985 йилда туғилган 39 ёшли пиёдани уриб юборган.
️Оқибатда эркак олган тан жароҳатлари билан шифохонага ётқизилган. Пиёданинг аҳволи оғир эканлиги айтилмоқда.
Машина ичида Учтепа туманидаги 312-мактабнинг 4 нафар 10-синф ўқувчиси бўлган. Улар автомобилни ижарага олган, светофорнинг тақиқловчи қизил чироғида ва юқори тезликда ҳаракатланган.
Ҳолат юзасидан Тошкент шаҳар ИИББ Тергов бошқармаси томонидан Жиноят кодексининг 266-моддаси (Транспорт воситалари ҳаракати ёки улардан фойдаланиш хавфсизлиги қоидаларини бузиш) 1-қисми билан жиноят иши қўзғатилган, тергов ҳаракатлари олиб борилмоқда.
Эслатиб ўтамиз, аввалроқ Самарқандда мактаб ўқувчиси Nexia-2'да 6 яшар қизни уриб юборганди. Қизалоқ шифохонага олиб борилган, аммо кўрсатилган муолажаларга қарамай, вафот этган.
Live
Барчаси
