Терговдан қочган учинчи шахс ҳам қўлга олинди
3-саҳифа
−
24 Декабрь 2023 25235 1 дақиқа
Жорий йилниг 18 декабрь куни Тошкент шаҳар Ички ишлар бош бошқармаси оғир ва ўта оғир жиноят содир этишда гумонланаётган шахслар қидирилаётгани ҳақида эълон берган эди.
Маълум қилинишича, улар терговдан қочиб яширинишга муваффақ бўлган. Орадан бир кун ўтиб эса қидирилаётганлардан икки нафари Рустам Умаров ва Тоҳиржон Паттаев кўрилган тезкор чора-тадбирлар натижасида ушланган.
Учинчи шахсга нисбатан эса қидирув чоралари кучайтирилиб, ҳатто уни топган одамга 40 млн сўм мукофот эълон қилинган эди.
ИИББ маълумотларига кўра бугун, 24 декабрь куни қидирувдаги учунчи шахс Акромжон Абдуллаев ҳам Тошкент тумани Оқтом қишлоғи ҳудудида қамишлар орасида бекиниб ётган жойида қўлга олинган.
Live
Барчаси
