Теннис. Абдураимова халқаро мусобақани ғалаба билан бошлади

Спорт

image

Айни кунларда Буюк Британиянинг Шрусбери шаҳрида теннис бўйича ITF таснифига кирувчи мусобақа бўлиб ўтмоқда. Турнирда иштирок этаётган ўзбекистонлик Нигина Абдураимова яккалик баҳсларида япониялик Мисаки Доига имкониятни бой берганди.

Ҳозирда бор эътиборини жуфтлик баҳсларига қаратган Ўзбекистоннинг биринчи рақамли ракеткаси польшалик Паула Кания-Чодун билан тандемда руминиялик теннисчилар Моника Никулеску ва Елена Габриэла Рьюзга қарши кортга чиқиб, 5/7, 6/1, тай-брекда 10:8 ҳисобида ғалабага эришди.

Абдураимова-Чодун тандемига 1/4 финалда британиялик теннисчилар Жон-Баптисте Лаурин ва Элиз Малони жуфтлиги рақиблик қилади. Баҳс бугун, 3 ноябрь куни Тошкент вақти билан 23:30дан кейин бошланади.

Маълумот учун,  ITF W100 турнирининг соврин жамғармаси 100 000 долларни ташкил қилади. Мусобақада мувафаққиятли иштирок этган теннисчилар WTA рейтинги учун ҳам очколарни қўлга киритишади.


Мақола муаллифи

Теглар

Tennis Abduraimova

Баҳолаганлар

9

Рейтинг

2.9

Мақолага баҳо беринг

Дўстларингиз билан улашинг