Солиқ ҳуқуқбузарликлари ҳақида хабар берганларга 3 млрд сўм тўланди
Жамият
−
24 Февраль 3828 1 дақиқа
2026 йилнинг январь ойида “Солиқ” мобил иловасининг “Солиқ ҳамкор” тизими орқали солиқ ҳуқуқбузарликлари ҳақида 12 486 та мурожаат келиб тушди. Бу ҳақда Солиқ қўмитаси хабар берди.
Мурожаатларнинг 1 739 таси такрорий бўлгани ёки шикоят келиб тушган тадбиркорлик субъектида текширув давом этаётганлиги сабабли кўриб чиқилмаган.
Мурожаатлар асосида 5 198 та сайёр солиқ текшируви ўтказилиб, 99 фоиз ҳолатда ҳуқуқбузарлик тасдиқланган.
Ҳуқуқбузарлик ҳолатлари бўйича хабар берган фуқароларга 4 782 та ҳолат бўйича (ундирилган жарима суммасидан 20 фоиз) 3 млрд сўм мукофот тўланган.
Мурожаатларнинг асосий қисми қуйидагича:
- 10 879 таси харид чеки бермаслик;
- 510 таси тўловни пластик карта орқали қабул қилмаслик;
- 34 таси пластик карта учун харид суммасини ошириш;
- 1 063 таси бошқа турдаги ҳуқуқбузарлик ҳолатлари бўйича.
Live
Барчаси
