Словения Фаластин давлатини расман тан олди
Олам
−
05 Июнь 2188
Словения Фаластин давлатини расман тан олди. Бу ҳақда Словения ҳукуматининг Х ижтимоий тармоғида эълон қилинган баёнотида маълум қилинди.
Айтилишича, мухолифатдаги Словения Демократик партияси (СДП) кеча, 4 июнь куни кечқурун парламент йиғилиши олдидан парламентга тақдим этган референдум таклифини қайтариб олган. СДП депутатлари тарк этган йиғилишга қатнашган 90 ўринли парламентдан 52 нафар депутатнинг Фаластин давлатининг тан олиниши учун овоз берган.
“Бугун Фаластиннинг суверен ва мустақил давлат сифатида тан олиниши Ғарбий Соҳил ва Ғазо секторидаги Фаластин халқига умид бағишлайди”, дейди Словения Бош вазири Роберт Голоб ижтимоий тармоқдаги постида.
Ўтган ҳафта Словения ҳукумати Фаластин давлатини тан олиш масаласини муҳокама қилиш учун йиғилиш ўтказди. Бош вазир Голоб йиғилишдан кейин берган баёнотида, халқаро ҳуқуқ ва Бирлашган Миллатлар Ташкилоти Хавфсизлик Кенгаши тегишли қарорлари асосида 1967 йил чегаралари ичида Фаластинни мустақил ва суверен давлат сифатида тан олишга қарор қилганликларини билдирди.
Голоб, шунингдек, бу қарор парламент эътиборига ҳавола этилишини айтиб, депутатлардан уни қўллаб-қувватлашни сўради.
Бироқ СДП раиси Жанез Янса 3 июнь куни референдум ўтказиш талабини эълон қилиб, Фаластинни тан олиш қарори узоқ муддатда мамлакатга зарар етказишини айтганди.
Эслатиб ўтамиз, Испания, Норвегия ва Ирландия ҳам 28 май куни Фаластинни расман тан олишга қарор қилганди.
Live
Барчаси
