Сирдарёда аёл ўқувчилар кўз ўнгида ўқитувчини калтаклади (видео)

Ижтимоий тармоқларда Сирдарё вилоятидаги мактабларнинг бирида аёл ўқитувчини ургани акс этган видео тарқалди. Ҳолат юзасидан Мактабгача ва мактаб таълими вазири Ҳилола Умарова муносабат билдирди.

Видеода ўқувчининг онаси синфда ўқитувчига қўпол муомалада бўлиб, унинг юзига мушт туширгани, ўлдириш билан таҳдид қилганини кўриш мумкин. Вазир Ҳилола Умарова ҳолат Мактабгача ва мактаб таълими вазирлиги томонидан назоратга олинганини маълум қилди. 

 

 

 

 

Посмотреть эту публикацию в Instagram

 

 

 

 

 

 

 

 

 

 

 

Публикация от QALAMPIR.UZ (@qalampir.uz)

Умарова бу воқеа Сирдарё вилоят ММТБ ишчи гуруҳи томонидан ўрганилаётганини, ўрганиш натижаларига кўра тез орада жамоатчиликка қўшимча маълумот берилишини билдирган.

Эслатиб ўтамиз, аввалроқ Хоразмда она ўқувчилар олдида ўқитувчини калтаклаганди. 11 февраль куни аёлга нисбатан суд ҳукми ўқилган. У Жиноят кодексининг 277-моддаси (безорилик) 2-қисми “а” бандида назарда тутилган жиноятни содир этганликда айбли деб топилган ва унга 2 йил муддатга озодликни чеклаш жазоси тайинланган.

Моҳимбегим Маъруфалиева