Шойгу Шимолий Корея армиясини “дунёдаги энг кучли” деб атади
Олам
−
27 Июль 2023 11721
Россия Мудофаа вазири Сергей Шойгу Шимолий Кореяга ташрифи чоғида унинг армиясини “дунёда энг кучлиси” деб атади. Бу ҳақда Шимолий Корея марказий ахборот агентлиги хабар берди.
“[Шойгу] Корея халқ армияси Олий қўмондон атрофида тинимсиз жипслашиб, ўз қудратини тўхтовсиз мустаҳкамлагани ва бунинг натижасида у дунёдаги энг кучли армияга айланганини таъкидлади”, дейилади хабарда.
Аниқлик киритилишича, Шойгу КХДР Мудофаа вазирлигида бўлиб ўтган қабулда сўзлаган нутқида шундай баҳо берган. Россия томони эълон қилган хабарларда эса бу ҳақда ҳеч нарса айтилмаган.
Маълумот учун, Россия делегацияси ҳарбий алоқаларни мустаҳкамлаш мақсадида жорий йилнинг 25 июлида Шимолий Корея пойтахти Пхеньянга ташриф буюрди. Шойгу КХДР раҳбари Ким Чен Ин билан ҳам учрашди ва улар биргаликда қурол кўргазмасини томоша қилди.
Live
Барчаси
