Саудиянинг “ухлаётган шаҳзода”си вафот этди

Саудия Арабистонининг “ухлаётган шаҳзода”си сифатида танилган шаҳзода Ал-Валид бин Холид бин Талал Ол Сауд 20 йиллик кома ҳолатидан сўнг вафот этди. Бу ҳақда унинг отаси, шаҳзода Холид бин Талал бин Абдулазиз Х саҳифасида маълум қилди.

Шаҳзода 36 ёшда эди. 2005 йилда у Лондонда ҳарбий коллежда таҳсил олаётган пайтда автоҳалокатга учраган. Оқибатда унинг миясига қон қуйилган. Ўшандан бери у комада эди ва Ар-Риёддаги Қирол Абдулазиз тиббиёт марказига ётқизилганди, у ерда шифокорларнинг доимий кузатувида бўлган.

Шаҳзода Ал-Валиднинг отаси, бизнесмен шаҳзода Ал-Валид бин Талал бин Абдулазиз Ал Сауднинг укаси, ўғлининг бир кун келиб тўлиқ тузалиб кетишига умидини йўқотмаган. Унинг отаси шаҳзода Холид бин Талал бин Абдулазиз ўғлини ҳаёт таъминотидан олиб қўйишга қарши курашди. Йиллар давомида унинг даволанишига хорижлик шифокорлар, жумладан, АҚШ ва Испаниядан мутахассислар жалб қилинган. Бу ҳаракатларга қарамай, у ҳеч қачон ўзига келолмади.

Шаҳзода учун жаноза намози Ар-Риёддаги Имом Туркий бин Абдуллоҳ масжидида ўқилиши режалаштирилган.