“Сариқ нимчалилар” намойишида 275 киши ҳибсланди (фоторепортаж)

Аввал хабар берганимиздек, жорий йилнинг 12 сентябрь куни Франциянинг Париж шаҳрида яна “сариқ нимчалилар” намойиши бошланди. Намойишларда қатнашган 275 киши ҳибсга олинган.

Париж транспорт бошқармаси RATP 12 сентябрь куни эрталабдан шаҳарда 50 га яқин метро станцияси ва шаҳар четига қатновчи поезд ишламаслигини маълум қилган.

Ҳуқуқ-тартибот идоралари намойишчиларга қарши кўздан ёш оқизувчи газ ишлатган.  

Митингда антифашистик ҳаракат байроғи билан қора танли одамлар кўриниш берган. Франция расмийлари ушбу рамзийликни "сариқ нимчалилар"нинг олдинги митингларида зўравонликда айблаган радикаллар билан боғлашади.  

Ички ишлар вазирлигининг маълумотларига кўра, мамлакат бўйлаб намойишларда 8,5 мингга яқин киши, шу жумладан Парижда 2500 киши қатнашган. 

Франция ҳукумати намойишлар пайтида махсус воситалардан, шу жумладан резина ўқлардан фойдаланиш қоидаларини бироз кучайтирди. Бундан буён полиция ходимлари юқори мартабали ходимларнинг рухсати билан намойишчиларга қарата ўқ узишлари мумкин.  

Маълумот учун, Францияда “сариқ нимча” номи билан аталувчи намойишлар 2018 йилнинг ноябрь ойида ёнилғи солиғи оширилиши ортидан юзага келган жамоатчилик норозилиги вақтида пайдо бўлган.

Натижада бу солиқлар бекор қилинган, аммо ҳаракат сақлаб қолинди ва Ҳукуматга қарши йирик ҳаракатга айланиб кетди.

“Сариқ нимчалилар”нинг сўнгги йирик намойиши 2020 йил 14 март куни, маҳаллий сайловлар арафасида ўтказилганди. Бу мамлакатда коронавирус сабаб қаттиқ карантин режими ўрнатилишидан 3 кун аввал бўлган.