Самарқандда боғчада ёнғин содир бўлди

3-саҳифа

−

04 Октябрь 2021 visibility5783 timer1 дақиқа

Самарқанд шаҳар Бағдод кўчасида жойлашган мактабгача таълим муассасаси ҳудудида содир бўлган ёнғин бартараф этилди

Бугун, 4 октябр куни Самарқанд шаҳар Бағдод кўчасида жойлашган мактабгача таълим муассасаси ҳудудида ёнғин содир бўлди. Бу ҳақда Фавқулодда вазиятлар вазирлиги хабар берди.

Соат 14:36 да Самарқанд вилояти Фавқулодда вазиятлар бошқармасига Самарқанд шаҳар Бағдод кўчасида жойлашган мактабгача таълим муассасаси ошхонасининг том қисмида ёнғин рўй бераётганлиги тўғрисида хабар келиб тушган.

Шунга кўра, воқеа жойига 3 та ёнғин-қутқарув экипажи соат 14:40 да етиб борган ва ёнғин соат 15:06 да ўчирилган.

Ҳодиса оқибатида ошхонанинг 30 кв.м майдонда том қисми ёнғиндан зарарланган. Жабрланганлар йўқ, тарбияланувчилар бинодан ўз вақтида эвакуация қилган.

Ҳозирда ёнғиннинг келиб чиқиш сабаби ва моддий зарар миқдори аниқланмоқда.

Мақола муаллифи