Самарқандда 1 кило “героин”ни сотаётганлар ушланди

Самарқанд вилоятида оғирлиги 1 килограмм бўлган “героин” гиёҳвандлик моддаси савдосига чек қўйилди. Бу ҳақда Ички ишлар вазирлиги хабар берди.

Маълум бўлишича, ўтказилган тезкор тадбирда муқаддам Жиноят кодексининг 273-моддаси (гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5-қисми билан судланган 43 ёшли фуқаро ўзининг шериги бўлган 1992 йилда туғилган шахсга оғирлиги 1 кг бўлган “героин” моддасини 38 минг долларга сотаётган пайтда қўлга олинган. 

Ҳолат юзасидан ушбу шахсга Жиноят кодексининг 273-моддаси (гиёвандлик воситалари, уларнинг аналоглари ёки психотроп моддаларни ўтказиш мақсадини кўзлаб қонунга хилоф равишда тайёрлаш, олиш, сақлаш ва бошқа ҳаракатлар қилиш, шунингдек уларни қонунга хилоф равишда ўтказиш) 5-қисми билан жиноят иши қўзғатилган.

Эслатиб ўтамиз, аввалроқ Наманган вилоятининг Чуст туманида уйида гиёҳвандлик воситаларини сақлаб келаётган шахс қўлга олингани ҳақида хабар берилганди.

Алиқулов Жавоҳир