Samarqand teleradiokanali rahbari hokimga matbuot kotib bo‘ldi

Samarqand viloyati hokimining tegishli qarori bilan Mirzo Rustamovich Ixtiyorov Samarqand viloyati hokimining matbuot kotibi lavozimiga tayinlandi. Bu haqda Samarqand viloyati hokimligi xabar berdi. 

Bildirilishicha, Mirzo Rustamovich Ixtiyorov Samarqand viloyati hokimligi axborot xizmati rahbari, viloyat hokimining matbuot kotibi – axborot siyosati masalalari bo‘yicha maslahatchisi bo‘lgan.

Ma’lumot uchun, Mirzo Ixtiyorov tayinlovga qadar O‘zMTRK “Samarqand viloyati teleradiokanali” davlat muassasasi direktori va boshqa lavozimlarda faoliyat olib borgan.

Eslatib o‘tamiz, avvalroq Samarqandning oldingi hokimi, hozirda Sirdaryo viloyati hokimi vazifasini bajaruvchi lavozimida ishlayotgan Erkinjon Turdimovning oldingi matbuot kotibi Manuchehr Boborahimovich Mirzayevni Sirdaryo viloyati hokimligi axborot xizmati rahbari, viloyat hokimining matbuot kotibi – axborot siyosati masalalari bo‘yicha maslahatchisi lavozimiga tayinlab, Samarqanddan Sirdaryoga chaqirib olgandi.

Mohimbegim Ma’rufaliyeva