Россияда ўзбекистонлик эркак 18 ёшли қизга тажовуз қилишда айбланмоқда
3-саҳифа
−
06 Сентябрь 2023
5334Россиянинг Санкт-Петербург шаҳрида йўловчига нисбатан зўравонлик қилишда гумон қилинган ўзбекистонлик такси ҳайдовчиси ҳибсга олинди. Бу ҳақда Федерация Тергов қўмитаси хабар берди.
Маълум қилинишича, жорий йилнинг 3 сентябрь куни, 4 сентябрга ўтар кечаси 27 ёшли Ўзбекистон фуқароси “Бабушкин” кўчасида тўхтаб турган машинасида 18 ёшли йўловчи қизга нисбатан жинсий тажовуз қилган. Мазкур ҳолат юзасидан Россия Жиноят кодексининг 132-моддаси (Хотин-қизларнинг розилигисиз шаҳвоний хусусиятга эга ҳаракатларни содир этиш) 1-қисми билан жиноят иши қўзғатилган. Гумондор шахс эҳтиёт чораси сифатида ҳибсга олинган ва ҳолат юзасидан тергов ҳаракатлари давом эттирилмоқда.
Жабрланувчининг билдиришича, у уйга бориш учун таксига буюртма берган ва сўров бўйича етиб келган Hyundai Solaris'нинг орқа ўриндиғига ўтирган. Қиз манзилга етиб боргунига қадар йўлда ухлаб қолган ва орадан 2 соат ўтгач, машинанинг олд ўриндиғида уйғонган. Шундан сўнг у полиция ва тез ёрдамга қўнғироқ қилган.
Эслатиб ўтамиз, аввалроқ Россиянинг Санкт-Петербург шаҳрида ўзбекистонлик икки ноқонуний мигрант 12 ёшли қизга тажовуз қилгани ҳақида хабар берилган эди.
LiveБарчаси