Россияда Путин Гитлерга ўхшатилган мемлар тақиқланди

Россиянинг Омск шаҳри Киров туман суди Президент Владимир Путинни Адольф Гитлер билан солиштирувчи фото ва мемлар жойлаштирилган 12 та интернет саҳифасини Россияда тақиқланган деб топди. Бу ҳақда “Вёрстка” нашри хабар берди.  

Расмларни тақиқлашни Омск прокуратураси ходимлари талаб қилган. Уларнинг фикрича, ушбу тасвирлар “жамият ва давлат манфаатларига салбий таъсир кўрсатади, ноаниқ шахслар доирасини террористик фаолият ва жиноятларга ундайди”.

“Тасвирлар жамият ва давлат манфаатларига салбий таъсир кўрсатиши, аниқ бўлмаган доирадагина шахсларни террорчилик фаолияти, жиноятлар содир этишга ундаши ва уларнинг содир этилишини рағбатлантириши, бу эса ўз навбатида инсон ва фуқаронинг, жумладан, ногирон ёшдаги шахсларнинг ҳуқуқ ва эркинликларининг ҳамда давлат хавфсизлигининг бузилишига олиб келиши мумкин”, дейилади хабарда.

Тақиқ остига Путиннинг расмига Гитлерникидек мўйлов ва соч турмаги фотомонтаж қилинган суратлар тушган. Шунингдек, Павел Деревянко иштирок этган “Гитлер капут!” фильмидан олинган тасвирлар ва “Путлер капут” ёзуви туширилган суратлар ҳам цензура нишонига айланган. Масалан, суд Илья Варламов томонидан олинган ва “Путлер, заҳар ич, сени ўқ билан меҳмон қилишмагунча” деган плакатни ушлаб турган аёл акс этган суратни ҳам тақиқлаган.

Бундан ташқари, қуйидаги саҳифалар ҳам чекловга учраган: “Stihi.ru” сайтидаги “Россияни шармандаликдан қандай қутқариш мумкин” деган ёзув акс этган расм. Шунингдек, “LiveJournal” саҳифаси, унда Путин акс эттирилган ва “Крокодил” журналининг муқовасига ўхшатиб тайёрланган сурат бор. Унда “Судда иш моҳиятига кўра кўриб чиқилмоқда. Мавжудот айбсизлигини айтди” деган ёзув бор.

Эслатиб ўтмиз, аввалроқ Францияда мамлакат Президенти Эммануэль Макрон ва унинг турмуш ўртоғи Брижит Макрон мемлар қаҳрамонига айланган эди. Бунга Вьетнамга сафар чоғида Эммануэль Макроннинг турмуш ўртоғидан тарсаки егани сабаб бўлган.