Россияда ҳарбий транспорт самолёти қулади
Олам
−
04 Ноябрь 2021 7375
Кеча, 3 ноябрь куни Россиянинг Иркутск вилоятида Ан-12 ҳарбий транспорт самолёти қулади. Ҳаво кемаси бортида 9 киши бўлган. Бу ҳақда ТАСС хабар берди.
Самолёт Пивовариха қишлоғида қулаган ва ёнилғи тўкилиши сабабли 300 кв метр майдонда ёнғин содир бўлган. Самолётдагиларнинг беш нафари экипаж аъзолари, тўрт нафари юкни кузатиб борувчилар бўлган. Ҳодисада ҳеч ким омон қолмаган.
Иркутск вилояти расмийларига кўра, самолётда Беларусь, Украина ва Россия фуқаролари бўлган.
Тергов самолёт ҳалокати сабабларининг барча мумкин бўлган версияларини кўриб чиқмоқда. Улар орасида учувчи хатоси, об-ҳаво шароити, шунингдек, самолётнинг техник носозлиги бор. Ҳалокат бўйича ҳаракат ва эксплуатация хавфсизлиги қоидаларини бузиш моддаси бўйича жиноят иши қўзғатилган. У Тергов қўмитасининг марказий аппаратига ўтказилди.
Маълумотларга кўра, қулаган самолётдан 1968 йилдан бери фойдаланиб келинган.
Live
БарчасиБухорода Ғиждувон деҳқон бозори ёнмоқда.
14 Декабрь
