Россия ва Украина ҳарбийларнинг жасадини алмашди
Олам
−
28 Март 3058
Россия ва Украина ҳалок бўлган ҳарбий хизматчиларнинг жасадларини алмашди. Бу ҳақда ҳарбий Россия парламентининг мувофиқлаштириш гуруҳи вакили Шамсаил Саралиев РБК'га берга интервьюсида маълум қилди.
Маълум қилинишича, Украина ҳукумати Россия томонига 43 аскарнинг жасадини топширган. Бунга жавобан эса россияликлар Украинага 909 жасадни қайтариб берган.
Аввалги сафар томонлар жорий йилнинг 14 февраль куни ҳалок бўлганларнинг жасадларини алмашганди. Ўшанда алмашинув чоғида Россияга 45 нафар ҳарбий хизматчининг жасади қайтарилган, Украинага эса 757 нафар ҳарбий хизматчининг жасади топширилган.
Унгача эса томонлар марҳумларнинг жасадларини январь ойининг 24-кунида алмашишган. Ўшанда Россия ҳалок бўлган ҳарбийларнинг 49 жасадини қайтарган, Украина эса 757 жасадни олган.
Россия ва Украина томонлари можаро пайтида ҳалок бўлган ҳарбийларнинг жасадларини мунтазам равишда алмашмоқда.
Live
Барчаси
