Россия-Украина музокараларининг навбатдаги раунди қачон ўтказилиши айтилди

Россия ва Украина делегацияларининг навбатдаги музокаралари 29-30 март кунлари ўтказилади. Бу ҳақда Россия делегацияси раҳбари, Президент ёрдамчиси Владимир Мединский маълум қилди.

“Бугун Украина билан Аэрокосмик кучлар бўйича музокараларнинг навбатдаги раунди бўлиб ўтди. Натижада 29-30 март кунлари юзма-юз учрашиш ҳақида қарор қабул қилинди”, деб ёзган Мединский.

Ўз навбатида, музокараларда қатнашаётган Украина делегацияси аъзоси Девид Арахамия музокаралар 28-30-март кунлари Туркияда бўлиб ўтишини маълум қилди.

Аввалроқ Туркия Президенти Ражаб Тойиб Эрдўған Россия Президенти Владимир Путин билан мулоқот қилиб, рус-украин музокараларини Истанбулда ўтказишга келишиб олгани хабар қилинганди.

Қайд этиш керакки, Украина ва Россия билан мулоқотни давом эттираётган Туркия Президенти Ражаб Тойиб Эрдўған Москванинг 6 та талабидан 2 тасини қабул қилиб бўлмаслигини таъкидлаганди.

Ўз навбатида Мединский Украина Россиянинг қатор талабларини бажармаса тинчлик шартномаси ҳақида гап бўлиши мумкинлигини айтиб ўтганди.