Роналду жамоадошларидан норози бўлди

“Ал-Наср”нинг португалиялик ҳужумчиси Криштиану Роналду 2026-2027 йилги Саудия Про-лигасининг 3-турида “Ал-Иттифоқ”қа қарши учрашувда жамоасининг ўйинидан норози бўлди. Бу ҳақда “Ole” хабар берди.

Манбага кўра,  Роналду жорий йилнинг 25 август куни бўлиб ўтган ўйинда танаффус пайтида ҳам, мезбонлар томонидан ҳар бир гол урилганидан кейин ҳам жамоадошларидан норози эканини очиқ намоён қилган. У, айниқса, ҳимояда ўйнаётганда футболчилардан кўпроқ эътибор талаб қилган.

Португалиялик футболчи кийиниш хонасига йўл олганида ҳам натижа ва жамоанинг ўйинидан норози ҳолда трибуналар томон ишоралар қилишда давом этган.

Натижада, бош мураббий Роналдуни алмаштирди ва ҳужумчи иккинчи бўлимда майдонга қайтмади. Қизиғи, Роналдусиз ва бир киши кам бўлиб қолган “Ал-Наср” Садио Маненинг дубль ҳамда Абдулла Ал-Амрининг голи эвазига учрашув тақдирини ўз фойдасига ҳал қилди.

Кейинги турда “Ал-Иттифоқ” жорий йилнинг 29 август куни “Ад-Дирия” билан, “Ал-Наср” эса 28 август куни “Ат-Таавун” билан ўйнайди.