Роналду машҳур Испания клубининг хўжайинига айланиши мумкин

Саудия Арабистонининг “Ал-Наср” клуби ва Португалия терма жамоаси ҳужумчиси Криштиану Роналду Испаниянинг “Валенсия” клуби асосий акциядорига айланиши мумкин. Бу ҳақда “Footmercato” хабар берди.

Манбага кўра, клубнинг ҳозирги эгаси, футболчининг яқин дўсти, шунингдек, бир қанча компанияларда ҳамкор ва португалиялик футболчининг имидж ҳуқуқи эгаси бўлган Питер Лим клуб акцияларини Роналдуга сотиш ниятида. 

Қайд этилишича, Лим ушбу мавсум охиригача акцияларни сотишни якунламоқчи, Роналдунинг ўзи эса жамоани сотиб олишдан манфаатдор. Бундан ташқари, харажатларнинг бир қисми қироллик оиласига алоқадор Саудия инвестиция фондлари томонидан қопланиши мумкин.

Жорий мавсумда Роналду барча турнирларда 29 та ўйин ўтказиб, 25 та гол урди ва 4 та голга ассистентлик қилди. Футболчининг Саудия Арабистонининг “Ал-Наср” клуби билан амалдаги шартномаси 2025 йилнинг ёзига қадар тузилган. “Transfermarkt” порталида берилган маълумотларга кўра, футболчининг бозор қиймати 12 миллион еврони ташкил қилади.