Роналду Испания клубининг улушдори бўлди
Спорт
−
26 Февраль 4507 1 дақиқа
“Ал-Наср” ва Португалия миллий терма жамоаси ҳужумчиси Криштиану Роналду “Аьлмерия” клубининг 25 фоиз улушини сотиб олди. Бу ҳақда журналист Бен Якобс хабар берди.
“Мен майдондан ташқарида ҳам футболда ўзгаришлар қилишни анчадан бери орзу қилардим. “Аьлмерия” – мустаҳкам пойдеворга ва ўсиш учун аниқ салоҳиятга эга Испания клуби. Клуб ривожланишининг кейинги босқичини қўллаб-қувватлаш учун раҳбарият билан ишлашни интиқлик билан кутаман”, дейди Роналду.
Маълумот учун, “Аьлмерия” 2025-26 йилги мавсумни Испания Сегундасида ўтказмоқда ва айни пайтда турнир жадвалида 27-турдан сўнг 48 очко билан учинчи ўринда бормоқда. “Расинг” эса шунча ўйиндан 50 очко жамғариб, пешқадамлик қилмоқда.
Эслатиб ўтамиз, аввалроқ Криштиану Роналду ва Жоржина Родригес Қизил денгиз марказида жойлашган The Red Sea Residences мажмуасидан икки ҳашаматли вилла харид қилган эди.
Live
Барчаси
