Роналду “Ал-Наср”ни тарк этиши мумкин – ОАВ

Португалиялик футболчи Криштиану Роналду 2027 йил январь ойида Саудия Арабистонининг “Ал-Наср” клубини тарк этиши мумкин. Бу ҳақда саудиялик журналист Сауд Ал-Сарами маълум қилди.

“Мен Роналду январь ойида “Ал-Наср”ни тарк этишига ишонаман”, дейди саудиялик журналист Сауд Ас-Сарами.

41 ёшли ҳужумчининг фаолиятини қайси клубда давом эттириши маълум эмас. Ҳозирча бу фақат журналистнинг шахсий фикри бўлиб, Роналдунинг клубдан кетиши ёки бошқа жамоага ўтиши бўйича келишув мавжудлигини тасдиқламайди.

Мазкур хабар Саудия клуби учун мураккаб даврга тўғри келди. Жорий йилнинг 15 сентябрь куни “Ал-Наср” Осиё чемпионлар лигасидаги мавсумни “Ал-Айн”га қарши сафар учрашувида 0:4 ҳисобидаги мағлубият билан бошлади. Роналду баҳсда майдонга тушди, аммо гол ура олмади.

Роналдунинг январь ойида клубни тарк этиши эҳтимоли “Ал-Наср” учун жиддий масала бўлиши мумкин. Чунки португалиялик ҳужумчининг клуб билан амалдаги шартномаси 2027 йилнинг ёзига қадар мўлжалланган.

Эслатиб ўтамиз, аввалроқ Криштиану Роналду ҳозирда ўзи тўп сураётган Саудия Арабистонининг “Ал-Наср” клубини сотиб олиши мумкинлиги ҳақида хабар берилганди.