Рим папаси шифохонадан чиққанидан сўнг илк бор оммага кўриниш берди (видео)

Рим папаси Лев XIV ўпкасида ўтказилган жарроҳлик амалиётидан сўнг жорий йилнинг 17 октябрь куни шифохонадан чиқиб, Ватиканга қайтди. Бу ҳақда “Vatican News” хабар берди.

Маълум қилинишича, папа жорий йилнинг 17 октябрь куни тушдан кейин Римдаги Агостино Жемелли шифохонасини тарк этган. У 13 октябрь куни ўпкасида жарроҳлик амалиётини ўтказган эди.

Расмийларга кўра, шифохонадан кетишидан олдин Лев XIV операцияни амалга оширган профессор Стефано Маргаритора, шунингдек, тиббиёт ва ҳамширалар жамоасига миннатдорлик билдирган. У шифохона раҳбарияти ва бошқа тиббиёт ходимлари билан ҳам хайрлашган.

Шифокорлар папанинг соғлиғи яхшилангани ва даволанишни шифохонадан ташқарида давом эттириши мумкинлигини билдирган.17 октябрь куни эрталаб ўтказилган қон таҳлиллари ва кўкрак қафаси рентген текшируви натижалари ҳам папанинг соғлиғи яхшилангани кўрсатган.

Ватиканга қайтишидан олдин Лев XIV Жемелли шифохонасининг 10-қаватида ибодат учун ажратилган хонада месса маросимини ўтказган.

Эслатиб ўтамиз, аввалроқ Рим папаси Лев XIV ўпкасидаги саратон ўсмасини олиб ташлаш бўйича операциядан сўнг шифохонадан чиқишга рухсат олгани ҳақида хабар берилган эди.