“Реал” мураббийлигига яна бир номзод маълум бўлди

Испаниянинг “Реал Мадрид” жамоаси бош мураббийлиги учун “Милан” клуби устози Массимилиано Аллегри номзоди ҳам кўриб чиқилмоқда. Бу ҳақда “Corriere dello Sport” нашри хабар берди.

Манбага кўра, Мадрид клуби италиялик мутахассис билан 2019 ва 2021 йилларда ҳам шартнома имзолашга уриниб кўрган. Аллегри ҳозирда “Милан”даги фаолиятидан мамнун, бироқ мутахассис халқаро майдондаги рақобатбардошлигини ошириш учун Мадрид жамоаси таклифини ҳам кўриб чиқиши мумкин.

Шунингдек, “Реал” бош мураббийлик учун германиялик мутахассис Юрген Клопп номзодини ҳам кўриб чиқмоқда.

Маълумотларга кўра, “Реал Мадрид” футболчилари Арбелоадан норози, унинг бошқаруви остида жамоа Испания кубогидан чиқиб кетгани ҳамда Ла Лига пешқадами “Барcелона”дан тўрт очкога ортда қолаётганидан футболчилар ранжимоқда.

Маълумот учун, 58 ёшли Аллегри 2025 йил ёзидан буён “Милан”ни бошқариб келмоқда.  2021-2024 йилларда у Туриннинг “Ювентус” клубида ишлаган, ундан аввал эса 2014-2019 йилларда ҳам “Ювентус”ни бошқарган. Унинг қўл остида туринликлар беш марта Италия чемпионати ва Италия кубогини, икки бор Италия Суперкубогини қўлга киритган ҳамда икки марта UEFA Чемпионлар лигаси финалига чиққан.