Расман: Руслан Абдуллаев нуфузли промоутерлик компанияси билан шартнома имзолади
Спорт
−
12 Март 1944
Фаолиятини профессионал боксда давом эттираётган ўзбекистонлик Жаҳон чемпиони Руслан Абдуллаев “Golden Boy” промоутерлик компанияси аъзосига айланди. Бу ҳақда компания матбуот хизмати хабар берди.
Манбага кўра, Оскар Де Ла Хойя бошчилигидаги “Golden Boy” промоутерлик компанияси 22 ёшли ўзбекистонлик боксчи Руслан Абдуллаев билан шартнома имзолади. Абдуллаев профессионал карьераси давомида ҳозирча битта жанг ўтказиб, ғалабага эришган. У 7 март куни Индио шаҳрида бўлиб ўтган бокс оқшоми доирасида Хосе Валенсуэла Альварадони нокаутга учратган эди.
Қайд этиш жоиз, “Golden Boy” билан Абдуллаевдан ташқари яна бир ўзбекистонлик боксчи Бектемир Мелиқўзиев ҳам ҳамроҳлик қилади. Шу тариқа, мазкур нуфузли промоутерлик компаниясидаги ўзбекистонлик мижозлар икки нафарга етди.
Live
Барчаси
