Расман: МЮ Сульшерни истеъфога чиқарди

Норвегиялик Оле-Гуннар Сульшер “Манчестер Юнайтед” футбол клуби бош мураббийлигидан кетди. Бу ҳақда инглиз жамоаси матбуот хизмати хабар берди.

Келгуси ўйинларда жамоани ҳозирча Майкл Керрик бошқаради.

Сульшер 48 ёшда ва 2018 йилнинг декабридан буён “Манчестер Юнайтед”ни бошқариб келаётганди. 

Эслатиб ўтамиз, кеча, 20 ноябрь куни Англия чемпионатининг 12-турида “Манчестер Юнайтед” сафарда “Уотфорд”га йирик 1:4 ҳисобида мағлуб бўлди. Бу мағлубият жамоа учун Англия Премер-лигасининг сўнгги беш ўйинидаги тўртинчиси бўлди.

“Юнайтед” норвегиялик мутахассис билан уч йиллик шартномани муддатидан олдин бекор қилгани учун тахминан 7,5 миллион фунт компенсация тўлаши керак. Сульшер жорий йилнинг август ойида жамоа билан янги шартнома имзолаган эди. Бироқ шартномага кўра, агар у бекор қилинса, Олега бир мавсум учунгина товон пули тўланиши белгилаб қўйилгани айтилмоқда.