Раъно Ярашева “Шум бола”ни қандай хотирлайди?

Хабарингиз бор, кеча, 14 июль куни ўзбек оналарининг “шум бола”си Абдураим Абдуваҳобов 57 ёшда оламдан ўтди.

Абдураим Абдуваҳобов билан 35 йил бирга ишлаган ҳамкасби ва дўсти Ўзбекистонда хизмат кўрсатган артист Раъно Ярашева марҳумнинг шахсий сифатлари ва у билан боғлиқ хотираларини QALAMPIR.UZ`га сўзлаб берди.

Абдураим Абдуллахаевич Абдуваҳобов 1963 йил 8 августда Тошкент шаҳрида туғилган. 1984 йили Маннон Уйғур номидаги Тошкент Давлат санъат институтининг “Драма театри актёри” факультетини тамомлаган. 1991 йилдан буён Миллий театрда фаолият юртиб келган.

Абдураим Абдуваҳобов актёрлик фаолияти давомида 100 га яқин саҳна асарларида турли характердаги кишилар сиймосини гавдалантирди. Жумладан, “Алишер Навоий”да Абулвосе, “Афандининг беш хотини”да йигит, “Унсиз Фарёд”да кинорежиссёр, “Соҳибқирон Темур”да Дарвеш, “Шум бола”да бой ота, “Мехробдан чаён”да Бахромбой, “Кулойим”да Қирол, “Уфқ”да Аскар, “Чимилдиқ”да Куёв, "Эшик ортидаги ҳаёт”да Равшан, “Кундузсиз кечалар”да Тенгдош, “Пири коинот”да ал-Ёқуб, “Етти фарёд”да Йўловчи, “Қирол Лир”да Масхара, “Энага”да Энага, “Бир кошона сирлари”да Бўривой, “Ўтган замон ҳангомалари”да Ҳасан кайфи, “Гамлет”да Озрик, “Андишали келинчак”да Қоплонбек, “Макр ва муҳаббат”да Миллер, “Дадажон демайман”да Ҳикмат, “Олтин қиз”да Ботир, “Жахон Отин Увайсий”да Ҳасан Охун баққол, “Бевалар”да Сапар оға, “Ўзбекча рақс”да Тоға, “Омад биз томон”да Баҳром, “Имкон”да Паттаев, “Тили асалим”да Ота, “Рустам”да Холматов каби ранг-баранг образлар яратиб, ҳамкасблар ва томшабинларнинг олқишига сазавор бўлди.

Абдураим Абдуваҳобов “Шум бола”, “Суюнчи”, “Муҳаббат синовалари”, “18-квадрат”, “Ада эмас, дада”, “Фирибгар”, “Осий банда”, “Пойга”, “Бевалар”, “Сўнгги нафасимгача”, “Севги балки бу жаннат 2”, “Назира” ҳамда “Тожикфильм" студиясида тасвирга олинган “Жўра овчи” фильмларида роль ижро этган.