Путин ва Пашинян Лочин йўлагидаги вазиятни муҳокама қилди

Олам

−

26 Апрель 2023 visibility4994 timer1 дақиқа

Россия Президенти Владимир Путин ва Арманистон Бош вазири Никол Пашинян телефон орқали Лочин йўлаги ва Тоғли Қорабоғдаги (тан олинмаган) вазият билан боғлиқ масалаларни муҳокама қилди. Бу ҳақда Кремль матбуот хизмати хабар берди.

Мулоқот чоғида Путин ва Пашинян минтақада барқарорлик ва хавфсизликни таъминлашга эътибор қаратган.

“Лочин йўлагидаги вазиятнинг ҳозирги кескинлашуви шароитида Россия, Арманистон ва Озарбайжон раҳбарлари ўртасидаги фундаментал келишувларнинг бутун мажмуасига қатъий риоя қилиш муҳимлиги тасдиқланди”, дейилади Кремль матбуот хизмати хабарида.

Шунингдек, Россия Президенти яқинда нишонланган 24 апрель – Арман геноциди қурбонларини хотирлаш куни муносабати билан Арманистон халқи билан бирдамлигини билдирган.

Маълумот учун, Лочин йўлаги Арманистон ва Тоғли Қорабоғни (тан олинмаган) боғловчи ягона тоғ йўлидир.

Мақола муаллифи