Путин Украина билан музокараларни Минскда ўтказишни таклиф қилди

Россия Президенти Владимир Путин Украина билан эҳтимолий музокараларни Беларусь пойтахти Минск шаҳрида ўтказиш мумкинлигини билдирди. Бу ҳақда Россия етакчиси Бутунроссия давлат телерадиокомпанияси (ВГТРК) мухбири Павел Зарубинга берган интервьюсида маълум қилди.

Унинг айтишича, агар томонлар музокаралар босқичига етиб келса, бу борада Беларусь имкониятларидан фойдаланиш мумкин.

Россия етакчисининг эслатишича, 2022 йилда Россия ва Украина ўртасидаги дастлабки музокаралар ҳам айнан Минскда бошланган. Шунингдек, у Беларусь резиденти Александр Лукашенко баҳсли масалаларни тинч йўл билан ҳал қилишга қаратилган ҳар қандай ташаббусни қўллаб-қувватлашга тайёрлигини билдирганини қайд этган.

Маълумот учун, жорий йилнинг 4 июнь куни Украина Президенти Владимир Зеленский Владимир Путинга очиқ мактуб йўллаб, можарони ҳал этиш юзасидан музокараларни учинчи давлат — Швейцария, Туркия ёки араб мамлакатларидан бирида ўтказишни таклиф қилган эди. Зеленский Москвада музокара ўтказишдан бош тортган, Путин эса ҳозирча Украина Президенти билан шахсий учрашув ўтказиш учун асос кўрмаётганини билдирган.

Эслатиб ўтамиз, Владимир Путин ва Беларусь резиденти Александр Лукашенко 26 июнь куни асосий эътибор Украинадаги уруш билан боғлиқ масалаларга қаратилган музокара ўтказганди.