Профессионал футбол лигаси 3 та стадионга кубок олиб боради

Футбол бўйича Ўзбекистон чемпионатининг жорий мавсумдаги ғолиби 12 ноябрь куни аниқ бўлади. Хабарингиз бор учта клуб "Пахтакор", "Навбаҳор" ва "Насаф" Суперлига ғолиблиги учун имкониятга эга.

Чемпион номи аниқ бўлмаса-да, сўнгги турда даъвогар клубларнинг ҳар бири ўз мухлислари қаршисида чемпионат бош совиринини кўтаришни исташини инобатга олган, ПФЛ учта клубнинг беллашувига ҳам кубок билан боришини маълум қилди.

Чемпионлик учун даъвогар 2 та клуб Тошкентда тўп суриши ва нисбатан кўпроқ очко Тошкентда ўйнайдиган жамоада эканидан келиб чиқиб, олтин медаллар пойтахтда қолдирилади. Чемпионлик Наманган клубига насиб қилса, совринлар алоҳида етказиб берилади. Олтинларга Тошкентда тўп сурадиган икки клубдан бири эга чиқса, у ҳолда кубокдан олтин жамоа аъзоларига медаллар топширилади, дейилади ПФЛ хабарида.

Маълумот учун, айни вақтда Ўзбекистон чемпионатида Тошкентнинг "Пахтакор" клуби пешқадамлик қилмоқда. Тошкент клубидан Наманганнинг "Навбаҳор" жамоаси 1, Қаршининг "Насаф" клуби эса 2 очко кам жамғарган.