Покистонда автобус ва юк машинаси тўқнашди. ЙТҲда 27 киши ҳалок бўлди
Олам
−
19 Июль 2021 4499 1 дақиқа
Покистоннинг шимоли-шарқидаги Панжоб вилоятида бугун, 19 июль куни йўловчи автобуси ва юк ташувчи автомобиль тўқнашиб кетди. Оқибатда камида 27 киши ҳалок бўлди ва яна 30 киши жароҳат олди. Бу ҳақда “Xinhua” янгиликлар агентлиги хабар берди.
Таъкидланишича, воқеа Дера Гази Хон шаҳрида содир бўлган.
Мавжуд маълумотларга кўра, провинциянинг Ражанпур аҳоли яшаш пунктидан Сиалкот шаҳрига кетаётган автобус тезликни ошириб юборган, натижада у айланма йўл яқинида юк ташувчи автомобилга урилган. Ярадорлар энг яқин шифохонага етказилган.
Эслатиб ўтамиз, жорий йилнинг 7 июнь куни Покистоннинг Синд провинциясидаги Готки шаҳри яқинидаги темир йўл станциялари ўртасида иккита йўловчи поезди тўқнашганди. Оқибатда 30 дан ортиқ киши ҳалок бўлганди.
Live
БарчасиСомалида самолёт Ҳинд океани қирғоғига қўнди
10 Февраль
Хитойда гуманоид робот инсонга ҳужумга қилди
10 Февраль
