Пара велоспорт бўйича Осиё чемпионига уй совға қилинди
Спорт
−
12 Март 4532 1 дақиқа
Пара велоспорт бўйича Осиё чемпионатида олтин медални қўлга киритган ўзбекистонлик спортчи Одинахон Ҳамдамовага Фарғона шаҳридан уй совға қилинди. Бу ҳақда вилоят ҳокимлиги матбуот хизмати хабар берди.
Манбага кўра, яқинда бўлиб ўтган Осиё чемпионатида иштирок этган ва 2 та олтин медални қўлга киритган Ўзбекистон терма жамоаси аъзоси фарғоналик спортчи Одинахон Ҳамдамовага вилоят ҳокимлиги томонидан Фарғона шаҳридаги Экошаҳар – “Янги Ўзбекистон” массивидан квартира калити топширилган.
Маълумот ўрнида, Ўзбекистон терма жамоаси ушбу қитъа биринчилигида 12 та олтин, 9 та кумуш ва 5 та бронза, умумий 26 та медални қўлга киритди. Умумжамоа ҳисобида Ўзбекистон делегацияси 1-ўринни эгаллади.
Эслатиб ўтамиз, аввалроқ, Фарғона вилояти ҳокимлиги томонидан юнон-рум кураши бўйича жаҳон чемпионлигини қўлга киритган Алишер Ғаниевга ҳам уй совға қилингани ҳақида хабар берилган эди.
Live
Барчаси
