O‘zbekistonlik bokschilar Osiyo chempionatida birinchi o‘rinni egalladi

Kecha, 16 iyul kuni Indoneziya poytaxti Jakarta shahrida boks bo‘yicha U-19 va U-23 yosh toifalari o‘rtasidagi Osiyo chempionati o‘z yakuniga yetdi. Musobaqada O‘zbekiston terma jamoasi har ikki yosh toifasida ham umumjamoa hisobida mutlaq birinchi o‘rinni egalladi.

Musobaqaning so‘nggi kunida o‘tkazilgan U-23 yosh toifasidagi final janglarida ham o‘zbekistonlik charm qo‘lqop ustalari muvaffaqiyatli ishtirok etdi. Terma jamoa 4 ta oltin, 2 ta kumush va 3 ta bronza medalini qo‘lga kiritib, umumjamoa hisobida birinchi o‘rinni saqlab qoldi.

Oltin medal sohiblari:

• 65 kg – Ilhomjon Ergashev;
• 70 kg – Abdulloh Madaminov;
• 80 kg – Fazliddin Erkinboyev;
• +90 kg – Ozodbek Aliyev.

Kumush medal sohiblari:

• 85 kg – Norbek Abdullayev;
• 90 kg – Samir Sobirov.

Bronza medal sohiblari:

• 55 kg – Faryozbek Do‘smatov;
• 60 kg – Abdurahmon Mahmudjonov;
• 75 kg – Abdulaziz Abdulhamidov.

U-19 yosh toifasida ham O‘zbekiston terma jamoasi ajoyib natija qayd etib, 7 ta oltin, 1 ta kumush va 1 ta bronza medali bilan umumjamoa hisobida birinchi o‘rinni qo‘lga kiritdi.

Oltin medal sohiblari:

• 50 kg – O‘tkirbek Norqosimov;
• 55 kg – Elyor Rustamov;
• 60 kg – Muhammadrizo Ukimov;
• 75 kg – Suxrob Rahmatullayev;
• 80 kg – Abror Sharipov;
• 85 kg – Sardorbek Baxromxo‘jayev;
• 90 kg – Asadbek Sultanboyev.

Kumush medal sohibi:

• +90 kg – Islom Salixov.

Bronza medal sohibi:

• 70 kg – Saidxo‘ja Sadillaxo‘jayev.

Shu tariqa, O‘zbekiston yoshlar terma jamoasi mazkur Osiyo chempionatida ham U-19, ham U-23 yosh toifalarida umumjamoa hisobida birinchi o‘rinni egallab, yoshlar boksida qit’aning eng kuchli jamoasi ekanini yana bir bor isbotladi.