Осиё ўйинлари: Марказий Осиё мамлакатларида натижа қандай?

Жорий йил 10 сентябрдан 4 октябргача Япониянинг Аичи-Нагоя шаҳарларида XX ёзги Осиё ўйинлари бўлиб ўтди. Жами 43 та спорт тури бўйича 469 та медаллар тўплами ўйналди, улар учун 46 та мамлакатдан 10 мингдан ортиқ спортчи кураш олиб борди. Жами 40 та мамлакат спортчилари медалларни қўлга киритиб, шоҳсупага кўтарилишга муваффақ бўлди.

Марказий Осиё мамлакатлари орасида Осиё ўйинлари-2026 умумий медаллар ҳисобида 5-ўринни эгаллаган Ўзбекистон етакчилик қилмоқда. Кейинги ўринларни Қозоғистон – 8-ўрин, Тожикистон – 22-ўрин, Қирғизистон – 26-ўрин ва Туркманистон – 31-ўрин эгаллади.

Умумий ҳисобда Марказий Осиё мамлакатлари 36 та олтин, 59 та кумуш ва 91 та бронза – жами 186 та медални қўлга киритди.

Ўзбекистон

Ўзбекистон терма жамоаси 70 та медални қўлга киритди ва умумжамоа ҳисобида бешинчи ўринни эгаллади. Ўзбекистон терма жамоаси ҳисобида 21 та олтин, 25 та кумуш ва 24 та бронза медали бор. Ишларда мамлакат шарафини 42 та спорт тури бўйича 396 нафар спортчи ҳимоя қилди.

Қозоғистон

Қозоғистон терма жамоаси Осиё ўйинларидаги иштирокини 84 та медаль – 12 та олтин, 24 та кумуш ва 48 та бронза билан якунлаб, умумжамоа ҳисобида саккизинчи ўринни эгаллади. Терма жамоа таркибига 24 та спорт тури бўйича мусобақаларда иштирок этган 558 нафар спортчи киритилди.

Тожикистон

Тожикистон Осиёдани 16 та медаль: 2 та олтин, 5 та кумуш ва 9 та бронза билан якунлаб, 22-ўринни эгаллади. Тожикистон терма жамоаси таркибига Осиё ўйинларига 21 та спорт тури бўйича иштирок этган 99 нафар спортчи киритилди.

Қирғизистон

Қирғизистон терма жамоаси таркибида 28 та спорт тури бўйича мусобақаларда 169 нафар спортчи иштирок этди. Қирғизистон медаллар ҳисобида якуний 26-ўринни эгаллади.

Қирғизистон терма жамоаси 14 та медаль – 1 та олтин, 3 та кумуш ва 10 та бронзани қўлга киритишга муваффақ бўлди. Қирғизистон терма жамоасига ягона олтин медални 60 кггача бўлган вазн тоифасида юнон-рум кураши бўйича 1-ўринни эгаллаган Жоламан Шаршенбеков келтирди.

Туркманистон

Туркманистон терма жамоаси 2 та кумуш медални қўлга киритди ва олтин ёки бронза медал юта олмай, 31-ўринни эгаллади. Таркибда 8 та спорт тури бўйича иштирок этган 34 нафар спортчи бор эди.

Тўлиқ медаллар ҳисоби:

1. Хитой – 169 та олтин, 89 та кумуш, 83 та бронза (жами 341);
2. Япония – 83-95-91 (269);
3. Жанубий Корея – 39-43-68 (150);
4. Ҳиндистон – 21-27-37 (85);
5. Ўзбекистон – 21-25-24 (70);
6. Эрон – 19-18-15 (52);
7. Таиланд – 18-13-21 (52);
8. Қозоғистон – 12-24-48 (84);
9. Гонконг — 11-19-24 (54);
10. Баҳрайн – 11-5-6 (22);
11. Малайзия – 9-7-16 (32);
12. КХДР – 7-13-9 (29);
13. БАА – 7-5-1 (13);
14. Қатар – 6-6-6 (18);
15. Хитой Тайпэйи – 5-17-33 (55);
16. Индонезия – 5-11-23 (39);
17. Филиппин – 4-9-16 (29);
18. Саудия Арабистони – 4-3-10 (17);
19. Қувайт – 4-1-4 (9);
20. Вьетнам – 3-3-19 (25);
21. Сингапур – 2-9-7 (18);
22. Тожикистон – 2-5-9 (16);
23. Иордания – 2-3-6 (11);
24. Мьянма – 2-1-2 (5);
25. Макао – 1-4-1 (6);
26. Қирғизистон – 1-3-10 (14);
27. Мўғулистон – 1-1-13 (15);
28. Шри-Ланка – 1-1-1 (3);
29. Покистон – 0-2-8 (10);
30. Ироқ – 0-2-3 (5);
31. Туркманистон – 0-2-0 (2);
=32. Афғонистон – 0-1-2 (3);
=32. Ливан – 0-1-2 (3);
32. Уммон – 0-1-1 (2);
33. Камбоджа – 0-0-4 (4);
34. Непал – 0-0-2 (2);
=37. Бангладеш – 0-0-1 (1);
=37. Бруней – 0-0-1 (1);
=37. Лаос – 0-0-1 (1);
=37. Сурия – 0-0-1 (1).