Неймар қачон терма жамоага қайтади?

“Ал-Ҳилол” ва Бразилия терма жамоасининг 32 ёшли чап қанот ҳимоячиси Неймар 2025 йилгача терма жамоа қайдномасига киритилмайди. Бу ҳақда “RMC Sport” хабар берди

Манбага кўра, тиззасидан олган оғир жароҳати туфайли бир йиллик машғулотдан зўрға фориғ бўлган Неймар Бразилия терма жамоасига қайтиши мумкин эди, аммо федерация футболчининг соғлиғини хавф остига қўймасликка қарор қилди. Қанот футболчиси келаси йилнинг март ойида Колумбия (20 март), кейин эса Аргентина (25 март) билан ўйинда яна терма жамоа либосида майдонга тушиши мумкин.

Маълумот учун, Бразилия терма жамоасини жорий йилда 2 та ўйин кутиб турибди. Беш карра жаҳон чемпионлари ноябрь ўрталарида Венесуэла (14 ноябрь), кейин эса Уругвай (20 ноябрь) билан тўқнаш келади.

Эслатиб ўтамиз, аввалроқ Неймар жароҳатидан тўлиқ қутулгани хабар қилинганди. У 2023 йил октябрь ойида Уругвайга қарши 2026 йилги Жаҳон чемпионати саралаш ўйинида тиззасидан жароҳат олган эди.