Навоийдаги портлашда ўндан ортиқ одам жабрланди. Қурбон ҳам бор

Аввалроқ, Навоий вилояти Навоий шаҳри Навоий кўчасида жойлашган “Навоий азот” акциядорлик жамиятининг 25-цехи лабораториясида газ-ҳаво аралашмасининг чақнаши ҳодисаси рўй бергани ҳақида хабар берилганди. Ушбу чақнаш оқибатида ёнғин келиб чиққан ва бир киши ҳалок бўлган. Бу ҳақда Фавқулодда вазиятлар вазирлиги хабар берди.

Маълум қилинишича, ёнғин-қутқарув экипажлари томонидан ёнғин соат  14:20 да  қуршаб олиниб, 14:50 да батамом ўчирилган.

north_east

Фарғонадаги даҳшат. Ўлганлар сони яширилмоқда

Вазирликка кўра, чақнаш оқибатида 1 нафар фуқаро ҳалок бўлган ва 11 нафар фуқаро тан-жароҳати олган.

“Ҳозирда жабрланганларга малакали тиббий ёрдам кўрсатилмоқда”, дейилади хабарда.

Шунингдек, айни пайтда ҳолат юзасидан терговга қадар суриштирув ишлари амалга оширилаётгани ҳам қўшимча қилинган.

Эслатиб ўтамиз, кеча, 10 март куни Қашқадарё вилоятида жойлашган ёқилғи қуйиш шохобча ҳовлисида 2 та 9 тоннали сиғим ёниб кетгани ҳақида хабар берилганди. Ёнғин оқибатида 2 нафар фуқаролар куйиш тан жароҳатини олган.